أبوذيات

محرومون من زيرة الحسين عليه السلام ونتمنى من الزوّار الدعاء وتبليغ السلام
يالزاير قبر لحسين ود هاك
حب وعاطفة وأشواق "ود" هاك
حاول ناصبي إن يمحيه ودهاك
لكن طافته الكاتب سميّه

انشد من قمت تقطع وش البيك
شأقدر عالوصل أصنع وش ألبيك
قلبي إستأصلت منه وشل بيك
ورم ثاريك عشعش بالخلية

قلبي لا دهر يرحم لا زمانة
ومثل جمرة على جوفي لازم انا
حلفت لازم تحبني لازم انا
انا بيا حال وانته تزن عليه

منا الساهر منا الناطر منا الحاي
وقمت ما أميّز الميّت من الحاي
الجرالي لاتظن غيري من لحاي
ألم وشال وأصنع أفة لية

تحل روحي بعشرتك وانته حلها
واريد اشرح قضيتي وانته حلها
طفل حب السفينة .. وانتحلها
نقصني الماي كون الماي الية

قطعت جفاك منا ما نما النا
واذا الهجران منك مانا منا
نكب الطيب بيدك ما نمنّة
جزيتك طيب وانته تمن عليه

كنت جاري ويبس بالعوز شطّي
شسوي وشأمتحن شيفيد شأطّي؟
خلص خالد طلع هاليوم شطّي
وأخاف الدور تاليها عليه  

عسر والضيم عنه ما لهانا
يبس برياق قلبي ما لهانا 
اخوي شصار حقي وماله أنا 
برخه وبالضيج مرجعنا سوية

شوف القهر والأغيض والأعصب
تصب كره وصرت عكسك ولع صاب 
شبقالي لا قلب منك ولا أعصاب
قلب مفتول من صدري العلية  

دروب رضاك عنها ماعدلنا
محب وأصحاب غيرك ماعد النا 
نخاف نموت وابداً ما عدلنا
وعدل نرضيك يارب البرية

شبقا من جفاك خايب وا لمنه 
جروح هواي ولفك وألمنه
ليالي الضيج قلبي والمنه
وطرب عالصوت والونة الشجية  

أجلبنك على اليسرة ويمناك 
كل هذا الفعل يقبل ويي مناك
نتضافح كون يمنايا ويمناك
تصد شلون ياخوية من أدية  

ربح كلمن يصاحب عاشرانا 
وأبد مالي بعشرته عاشر أنا 
سألته شكنت منهم عاشر أنا
وأنا العديت لأول هو ليه  



إذا ناديت حيدر وش؟فعلنا
دوانا أدريك انته وإشفه علنا
بقيامة أرجوك تفزع واشفع النا
شفاعة أدريك عند رب البرية

حسن بدماي حبك ماشي فينا
بسقم من دون شوفك ماشفينا
زكي ومأمون مثلك ماشفينا
حياتك طيب انته وقدوة لية

نصرّ زرار حبك ماهدلنا
نظرنا يريد شوفك ماهده لنا
سراط الله هلبت ماهد النا
عبن نهواك ياحامي الحمية

نِبُر لاباء صاير منهج النا
وابونا شكان نمدح من هجه النا
تحت لرجول أمنا منها جنة
على الجنّاة تخطي وتمشي هية

ياحيدر بالقلب حبك ولع شاب
طفيت ومن يمر اسمك ولع شاب
دواي بداي لا بدوة ولا أعشاب
دواي أدريك من رب البرية


للديرة الفضالة اقرب ياها لاهل
وطاري العوز اهلاً ياهلا هل
ردت حرمة التهلهل ياهلاهل
البدون اليوم تلطم بالثنية

مرفرف بمعالي ياعلمنا
واشهر من النار انتا ياعلمنا
تالي الوقت الاملط يا علمنا
يريد اطفال تصبح جاهليه

النذل تحت النعل تكرم يدي راسه
فضالة وماعرف تاجه يدي راسه
طفل يصرخ دراسة يا دراسة
حرم لأطفال تدرس يا خطية

وحق الدح حصن بقريض بالباب 
احكام الزمان بذور بلباب 
يصاح الله هوه انعرف بالباب 
وعرفنا الدين من عترت عليا

دربها هالروح يامفرق يدينا
على المتروس لومامش يدينا
ترا الطمعان يا لسانه يدينه
وسليم الذات من شوفه يتهيه

ونيني ادهاك لكن ونك ادهى
وتعبها الروح مرها ولـ نكدها
الحساوي دروب فيها والنكدها
ولا ركّاب تصفر هيمة هيه

شأون شأختار شأصرخلك شأغني
وعذاب الروح يمعود شغلني
مثل ماقال بنغالي شغل ني
وبعد لا وين هالعيشة الردية

شكثر احلام مستقبل عـ أماني
بدون وللأسف دهري عماني
صرت قابوس يمعود عماني
فضالة يحوس وينبش علية

بدون وضيم هم فوقه معانا
نتظاهر ليش بس انا مع انا
يعمي شفيك قوم افزع معانا
بعد لا وين هالعيشة الردية

يحي الله ذكراكم وحيّاك
وكلامي حروف ماجالك وحي اياك
تجينا نقول يا اهلا وحياك
فراش نصير وغطاكم سوية

وحق الي وصل شخصك وعادة
وصالك للقلب سولة وعادة
ثمود تروح فدوالك وعادة
وفداك الكان مامنه رجية

يعين العين ماتنظر وما رات
فضالة يحوس من مسقط وامارات
ظلمني كثير مو مره ومارات
ظلم لحسين عند الغاضرية

اعتصام يقول حل الكم وانا ادوه
شيفيد هناك نتجمع وندوة
نريد بيوم نتفجر وندوة
ونطب بعيون ظلام بشضية

يمن بستان قلبي ياسه منه
يمن غيمة مطرنا يا سمه النا
وصالك ليش قلبي ياسه منا
وجفاكم ليش اسهل ما بدية

الدراسة الهام ترفعها وك راس
عليها شقد ذبح طاغي وكر راس
قلم مبروي لعيالك وكراس
عسا دكتور يصبح مية مية

تسجني الف ياحيف بالصاج
ماجذب كلامي عليك بل صاج
قمت احلم جبن حلوم بالصاج
تاليها تقط صمونة لية

يهالجهره يهالمقصد يوجهاي
كرامة وياعرق قصة يوجهاي
قلتله لاتوج هذي يوج هاي
الفضالة ولابعد ضلت رجية ‎‫



سعي الاحفاد نيشانه سعي اليد
وسعي الرجلين مايوصل سعي اليد
اذا انحديت بس اصرخ سعيّد
نفر لو جاك فزة ثلثنية

وحق عقل الفهيمة والنبيها
ونين الناي روحي ونه بيها
جميع الناس يمي والنبيها
جغتني وخلفت نيران بيه

عليه ماحصل مثلك ولد من
بخيل وماقلت ليه ولد من
قلبي لا عشق غيرك ولا ادمن
ويطش قلبي بدربكم واهليه

زماني مكسر بروحي ولجني
وجميع الناس خلاها ولجني
يخوي تشوف لا احصد ولا اجني
زرعت الخير واحصد شر اليه

روحي ان ماكفت قلبي وكله منه
ويمل الدهر لا بد وأكله منه
دهري ومن ردت افرح وك لمنه
ردت ارتاح واراني المنية

همومي قطعت قلبي وصل لي
يهل المكتوب من عندك وصل لي
توضه وقوم حق ربك وصلي
الظهر قد حان صل وادعي اليه

سبب لجفاك ليه وش ؟ لمنك
جفيت وتدري بروحي وشله منك
خويك شلك عنده وشله منك
تمر عالدار لو تلقي التحية

عاشر سالم بذاته ودينه
وريت الفقر يظهرلي وادينه
غشيم الكثر بمال ودينه
شيفيد المال لو راح الوطية

هلابك يابشر اهلن وحياك
وكلامي ان ماوصل احرف وحي اياك
ربك لا اخذ عمرك وحياك
وعساه يطول بالعيشة الهنية

جوابك زين يعليوي وحلاك
وغريب شلون هالسرعة وحن لك
قرايب تظن ما اودك واحن لك
احن لبعيد هذا العشم بيه 

يالنبض القلب من جيت هي هي
تتكبر علي ياحيف هي هي
تذكرني امس لوجيت هي هي
كنت تبجي عشان القي التحية

فعل روحك عليه هم اداها
واذل اوفي حقوقك هم اداها
شفايف ماتمس خدك همداها
اغطها بنار واصرخ ماهي ليه

اخوك ولاترك روحك ماهجاها
مثل زرعة وعرجها ماها جاها
حروف الطيب قلبي ما هجاها
غشيم القلب بس ماهد اخية

عسا ربي يتقبل منك ومنه
صلاتك فرض ماهي منك منه
بوجودك نور تويتر من كملنا
هلابك ياجنابك والف حيه

عساه الجاي يافيصل عوافي
ياخلطة خلق صادق ع وافي
اخبره الذيب لو صوته عوا في
يشوفك مار ياسبع الثنية

يمن وديان قلبي راسي بيها
يامن بالخلق رافع راسي بيها
مدارس بالخُلق كثرو راسبيها
ونجحت انته واخذت المية مية

مضيفي ولا بعد اشرب دلاله
عبن محبوب يحرمني دلاله
عنده من حسن يوسف دلاله
وعنده ميزتين من الثرية

طبع دنياي ماتشمي بهمها
غشيم وزودت همي بهمها
تلوم ذياب ما تاكل بهمها
درت بالفار خماي الحمية

ضخم وطويل بالعزة بنانا
وجبل للناس خالقنا بنانا
اقول حسين بن انا بن انا
وابد ما اقول بن جدي وابيه

جميل المنظر المرسوم بسماي
وفرح مرسوم من الوجه بسماي
مطر وبدون بردي يهل بس ماي
يرد الروح ويسرسح عليه

وعليكم هالتحية سلام بسلام
مورد التحية انذكر باسلام
تريد شيوخ عندي اثنعش بس لام
مصابي شيوخ وهمومي الرعية

اظن هالحين سعر البشت بر دان
لعد مايفيد مسح الخشم بردان
بفحم يفلان الحق علي بردان
اطب بالنار واكلهن بدية

حياوي مغطي البسمة بالعباس
وشخصك مابلع خوفة بلع باس
طفلك خوش سميته بالعباس
عساه يكون هم راعي الحمية

شوف الاشد والابله والاكرب
ركيك ولانفع ربطه ولا كراب
اجيته وقال اليه رب والك رب
وابد ما اعود لو تدنى المنية

الك صاله والك غرفة ولك دار
وقلبي مايسر ضدك والك دار
امر عالدار ماشوفك والاكدر
تقولن حيل ماتنطق خطية

لفاك القلب شايب شو ولد رد
ومكاتيب القلب كم رد ولد رد
حرف سين بوسط اسمي والادرد
يقول حثين ويبثبث عليه

ياصاحب لادمع وشل وياره
شوفي لابعد ينظر وياره
زماني بس علي ظالم وياره
وعدل ويه السفيه ابن الردية

دنيانا صفت لعبيد وي زيد
وزماني مكثر الطغيان ويزيد
لعنة على الشمر هاليوم ويزيد
واضل العن لمن تدنى المنية

ثدي الجهراء ماينشف تدردام
وعساها الايد لنمدت تدر دم
عساك بكل حرف فيني تدردم
واذاق قالو بدون تطق تحية

كويتي ولاتظن عندي بلادين
فداها كل حرف فيني بلا دين
عيل شيصير لو كافر يلا دين
تحت لاسلام وسهامك عليه

وسفه على البدون والف حيفي
وحسافه على الضميره كان حي في
يهودي وصرت هالحين حيفي
الف ياحيف عالوصفه الردية

اشوف العرب صارت شرده ورده
وبعد هالحال قلي شارده وارده
اذا الفلاح يشتل شأرده ورده
ويخلي الياس مرمي على الوطية

بدون وليل مايلقى عُلا في
طويل وكالشجر صبري علا في
اذا الاعظاء بس تصعد على افاي
واذا طب المجالس ماله بيه

تلوم الماقدر يصرف عن جهاله
وحكمت اعدام فيني عن جهالة
اذا الجذاب صادق عنجهالة
صفا الجذاب سيد العنجهية

مثل ذيب الدهر قلبي فضالة
واجاني مسلح بصالح فضالة
طلبنا حقوق وكلنا فضالة
ويظن بهاي يتمنن عليه

ياشامت مابوجهك عرق لوماي
تبطل لو تطب تيماء لوماي
صدق ماترد لكويت لوماي
وقفت وياك تالي تمن عليه

شاشكيلك من جويهل من فضالة
يوكلنا العدس شوفه من فضالة
يهل شايف ملفنا من فضالة
نسونا اهل السلف والمرجعية

مصايبنا كبرت يفلان وا ويله
وياويل البدون بهاي واويله
اذا الارنب يحوم عليه واوي له
يبيه يموت مو شغلة هوية

حجي البطران مايرهم وراها
وبدونك نار مايخمد وراها
كرامة حقوق هم دنيا وراها
وكلام الناس والعيشة الردية

شيعي وبدون حسين وسمي
ومعاه شما يقول عبيد وسمي
يروحي عالورق نيشان وسمي
يستاهل نجاحه مية بالمية

انا بهالحال وش اصحى واش انبه
وقلب سكراب اغزيبه واشن به
بقينة بذمة فضالة وشنبه
وطلع مملوط مامنه رجية

حزينة الدار ماتفرح وظلماي
ونبض ودماي مابيه وظل ماي
ظلمني بحيرتي القاضي وظلماي
مثل ظلم الحسين بغاضرية

بدون وعزته عيبه وقيده
وزمانك بي يشد حبله وقيده
فضالة ومن امس طعم وقى ايده
يخاف يفوت وتصافح اديه

امر عالدار واتسمع ولاحس
البدون شفيه لا فكر ولاحس
الدهر شبعان من عنده ولاحس
ادينه ومسحها بظوفه هيه

انا الما ابدل بحجيي ولا اكن
سنوني الظيم مردنه ولاكن
تقول بدون مايطلع ولكن
حلاة الذيب بالشدة يتهية

تلوم بدون لن غنا ولن دن
يصارخ للدهر ابعد ولا اندن
عراقي تقول حرضني ولندن
وكلامك والظلم حرضني ليه

يدنيا ارجوج خير علي ولي
طالق بالثلاثة وقلت ولي
عرفت المو الي وللناس والي
وعرفت البلشدايد حن عليه

سماوي ارتاح عند اهلك وانا اضل
اصير حزام حق ضهرك وانا ضل
شريف شكثر ساندنا وناضل
ونجاحه فوز من رب البرية

زماني الروح عاداها وندها
ونيني الجاي عن لاول ون ادها
اصارخ هاه يفضالة واندها
خلصت الحين لو انادي المنيه

وحق طه وحق ايوب وي هود
ضيمي ما قبل ينزاح ويهود
اذا العامر تقول بدون ويهود
عيل اهل الشرف شتقول بية

العطش ياناس من قلبي يتي ماء
اشوف شلون مكسوره يتيماء
النبي باليد قال امسح يتيمه
بهام الراس وانت التدق بيه

امر عالدار ماشوفك يالبدون
البعض موجود ةالمعظم يلبدون
ياكل حقوق ماعندك يلي بدون
وجود .. وكالعلق عندك هوية

الصفنه ياقلب خلهه ولهه منك
وليالي السود اوحنلك وألهمنك
الدنيا شما الك منها وإلهه منك
تضل ضدك ماتصف وياك هيه

صديق اللي يودك دوم وده
وجدمك لليحب طاريك وده
سعيد القام بالمعروف واداه
وسعيد العاش بالدنيا بلا رديه


ثكله وكل دمع عيني تهمله
روحي ولاتضن شخصك تهمله
قلبي شماصدر منك تهم له
يضل ممنون بس تعود إليه


لون تدري بروحي ماجره لهه
جرا للناس دهري ما جره لهه
لون كتال هجرك مأجر الهه
امن ابشرك ميته هيه

عاشر سالم بذاته ودينه
وريت الفقر يظهرلي وادينه
ودي الحماد يالتنشد ودينه
واهل الكرم للعوز هيه

على لهموم كبر البال وسعه
وللصالح تعنه الناس واسعه
دنيا ولاتظن يافلان وسعه
وتضيع الزينه من الرديه

ضربوني وقطعو جسمي وألم بيه
ابجي واحتضن سيفي وألم بيه
ناداك وصرخ قلبي وألم بيه
أمامي عجل عليه

زماني شما حمل روحي بهامل
وعشرتك جي كنت حاسب بها امال
لون هاقد ذهب احصد بها مال
عفتهم ماردت دونك اليه

الصفنه ياقلب خلها ولهه منك
وليالي السود اوحنلك والهمنك
الدنيا شما الك منها والهه منك
تظل ضدك ماتصف وياك هيه

ثلثين العمر صدق ماتملنه
دهر ونصب عقبك ماتم النه
مو كلمن زرع يحصد ماتمنه
غير الكتب رب البريه

عجب شفتك على دربي وهم جاي
وهم رايح على فراقك وهم جاي
اعذرني على غيضي وهمجاي
فلااك علي لسعات حيه

لا زاد بالمذله اطلب ولا اعيش
لوبيتي خزف يبني ولا عش
لا باقي بكثر مالي ولا اعيش
وياريتك كنت مقتاد بيه

لا مال يبقى على الدنيا ولاهي
وياخوي شبيك لاتحسب ولاهي
انا مرجاي بس ربي والاهي
وياريتك كنت متاد بيه

جاك القلب ياخوي مرسال
يقول افزع بالقلب مر سال
علي كلمن بالدرب مر سال
وابد مافكرت تسأل عليه

أنا اخوك وابن عمك وانا اسمك
انا دم الجرى بجسمك ونسمك
صياد اعتبر نفسك وانا اسماك
ويصير شماتريد يصير بيه

صديج الي يودك دوم وده
وجدمك لليحب طاريك وده
سعيد القام بالمعروف واداه
وسعيد العاش بالدنية بلا ردية

هنا يالتقول اياك فياك
متنا وبس بقه الدلال فإياك
اذا وكت العصاري طويل فيك
غيرك بالظهاري شطول فيه

أنشدك عن جساة قلوب ظلام
وحدي وشو عليه الليل ظلم
شامت ماتركني وراح ظل لام
شماته ولوم هم يعتب عليه

الك صالة والك غرفة والك دار
وقلبي مايسر ضدك والك دار
امر عالدار ماشوفك والاكدر
تقولن حيل ماتنطق خطية

اظن هالحين سعر البشت بر دان
لعد مايفيد مسح الخشم بردان
بفحم يفلان الحق علي بردان
اطب بالنار واكلهن بديه

ضخم وطويل بالعزة بنانه
وجبل للناس خالقنا بنانه
اقول حسين بن انا بن انا
وابد ما اقول بن جدي وابيه